Vëdde la sorgiss ëd Pèis

{{Prinsipi}}
Ël '''pèis''' d'un [[còrp]] ant un pont qualsëssìa ëd lë [[spassi]] a peul esse [[definì]] tanme la [[fòrsa]] gravitassional arzultanta che a agiss an sël còrp, dovùa a tuti j'àutri còrp ant lë spassi.
Për un còrp davzin a la surfassa dla [[tèra (pianeta)|Tèra]], le fòrse gravitassionaj dovùe a dij còrp estern a son bele che trascuràbij rëspet a cola dovùa a la Tèra: l'ùnica fòrsa gravitassional ch'a-i fà damanca ëd consideré a l'é cola dovùa a la Tèra, e costa fòrsa a l'é ël pèis.<br />
As trata donca 'd na quantità [[vetor]]ial.
La [[diression]] d'ës vetor a l'é vers ël sènter ëd la Tèra e sò mòdol a l'é esprimù an [[unità]] ëd fòrsa, tanme ël chilo-pèis o ël [[newton]].

== Massa e pèis ==
Cand as lassa robaté lìber un còrp ëd [[massa (fìsica)|massa]] ''m'', soa [[acelerassion]] a l'é <math> \vec g </math>, l'acelerassion ëd gravità, e la fòrsa ch'a j'agiss ansima a l'é <math> \vec P </math>, sò pèis.
La sconda [[laj ëd Newton]] aplicà a 'n còrp an robatament lìber a forniss <math> \vec P =m \vec g </math>.
Donca un a l'ha ëdcò
:<math>m= \frac Pg </math>,
anté che ''P'' e ''g'' a son ij mòdoj dij vetor pèis e acelerassion.

Dagià che <math> \vec g </math> a varia da 'n pont a n'àutr an sla Tèra, ël pèis <math> \vec P </math> d'un còrp ëd massa ''m'' a l'é diferent an località diferente.
Donca, a diferensa d'la massa, ch'a l'é na propietà antrìnseca d'un còrp, sò pèis a dipend da soa posission rispet al sènter ëd la Tèra.
{{Fin}}

[[Categorìa:Fìsica|Peis]]