Paradòss ëd San Peroborgh

Stamp:Prinsipi Ël paradòss ëd San Peroborgh a l'é stàit enonsià da Nicolas e Daniel Bernoulli e as ciama parèj përchè an coj agn ij doi frej a l'ero professor a San Peroborgh e 's paradòss a l'é stàit publicà për la prima vira an sij Commentarii dl'academia ëd cola sità.

Un giugador a paga për podèj partissipé a 's gieugh-sì. As tira na moneda fin-a ch'a-i seurta testa. S'a-i seurt testa al prim tir, ël giugador a vagna na coron-a. Si la prima vira a-i ven cros, ma a-i ven testa a lë scond tir, ël giugador a vagna doe coron-e. Ël gieugh a va anans parèj e lòn ch'a vagna ël giugador a ardobia a minca cros ch'a-i seurt (e la prima vira ch'a-i ven testa la partija a l'é livrà). Fin-a a che gifra ël giugador a dev esse dispòst a paghé për gieughe?
Da già che si la testa a-i seurt la prima vira dòp $n$ tir dla moneda ël giugador a vagna $2^{n-1}$ coron-e, la speransa matemàtica ëd sò goadagn a l'é $\frac{1}{2}\cdot 1+\frac{1}{4}\cdot 2+\frac{1}{8}\cdot 4+\dots =+\mathrm{\infty }$, donca ël giugador a dovrìa esse d'acòrdi ëd paghé qualsëssìa gifra për partissipé.
D'àotra part, cand Georges Louis Leclerc, cont ëd Buffon, a l'ha mnà na preuva empìrica 'dzora 2084 partije, a l'ha trovà che ël goadagn a l'era stàit ëd 10057 coron-e, visadì meno che 5 coron-e a partija. Stamp:Fin