Dipòlo elétrich

Stamp:Prinsipi Un dipòlo elétrich a l'é na configurassion formà da na caria positiva e na caria negativa d'ugual grandëssa q postà a na distansa 2a.

Ël prodot p=2aq a l'é ciamà moment dël dipòlo elétrich. A peul ëdcò esse considerà tanme un vetor $\overrightarrow{p}$ ëd mòdol p e diression ch'a va da la caria negativa a cola positiva.

Potensial d'un dipòlo

Për rason ëd simetrìa, ël potensial V d'un dipòlo a cangia nen sota rotassion dantorn a la reta dël dipòlo. Donca a basta calcolelo ansima a 'n semipian ch'a s-ciòd da costa reta.
Un pont P ansima a 's pian a l'é dsernù da soa distansa r dal sènter dël dipòlo e da l'àngol $\theta$ che ël vetor dal sènter dël dipòlo a P a forma con ël moment dël dipòlo. Ch'as denòto con $r_1,r_2$ le distanse ëd P da la caria positiva e da cola negativa, rispetivaman.

Si $V_1$ e $V_2$ a son ij potensiaj generà da le doe carie, un a l'ha

$V=V_1+V_2=\frac{1}{4\pi {\epsilon }_0}(\frac{q}{r_1}-\frac{q}{r_2})=\frac{q}{4\pi {\epsilon }_0}\frac{r_2-r_1}{r_1{r}_2}$.

Butoma adess che r a sia motobin pì grand che 2a. Antlora la diferensa $r_2-r_1$ as peul aprossimesse con $2a\cos \theta$ e ël prodot $r_1{r}_2$ con $r^2$. Parèj ël potensial as arduv a

$V=\frac{q}{4\pi {\epsilon }_0}\frac{2a\cos \theta }{r^2}=\frac{1}{4\pi {\epsilon }_0}\frac{p\cos \theta }{r^2}$.

Për esempi, ël potensial a l'é nul për $\theta =\frac{\pi }{2}$: a-i é damanca ëd gnun travaj për bogé na caria 'd preuva arlongh la perpendicolar ch'a taja a mità ël dipòlo.
Da noté che ël potensial a dipend nen an manera separà da q e 2a, ma mach da sò prodot p.

A l'é convenient ciamé dipòlo elétrich qualsëssìa sistema ëd carie për ël qual ël potensial V an dij pont leugn a l'é col otnù sì-dzora. Stamp:Fin