Amplicassion

Stamp:Prinsipi L'amplicassion a l'é n'operassion lògica, ëd sòlit denotà con ël sìmbol $\Rightarrow$ o $\to$. A peul esse definìa an fonsion ëd negassion e disgionsion an considerand $p\Rightarrow q$ tanme abreviassion ëd $\mathrm{\neg }p\vee q$.
Ël sust ëd cost'operassion a l'é che l'amplicassion $p\Rightarrow q$ a l'é vera gavà cand p a l'é vera e q a l'é fàussa. An efet, già dantorn al 300 aGC, Filon ël dialétich a l'avìa definì l'amplicassion antra p e q tanme lòn che an notassion formal al di d'ancheuj a së scrivrìa $\mathrm{\neg }(p\wedge \mathrm{\neg }q)$.

Ant l'amplicassion $p\Rightarrow q$, as dis che p a l'é l'antecedent o ipòtesi o assonsion, antant che q a l'é ël conseguent o la conclusion.
Si l'amplicassion $p\Rightarrow q$ a l'é vera, antlora soa ipòtesi as dis condission suficenta për soa conclusion, e soa conclusion condission necessaria për l'antecedent. Stamp:Fin