Lun-a
| Nòm sientìfich: Luna - Terra I | ||||||||||||||||||
| Sìmbol: ☾ | ||||||||||||||||||
| Categorìa: SATÉLIT | ||||||||||||||||||
| Sènter orbital: TÈRA | ||||||||||||||||||
| ||||||||||||||||||
| T= perìod . a= semi-grandass | ||||||||||||||||||
| i= inclinassion . Ω= neu assendent | ||||||||||||||||||
| e= ecentricità . ω= argoment dël perigé | ||||||||||||||||||
| ||||||||||||||||||
|
La Lun-a (dal latin LUNA, -AE) a l'é un dij pì gròss satélit ant ël Sistema Solar, l'ùnich satélit natural ëd la Tèra.
A l'ha na rotassion sìncrona ch'a veul dì ch'a-j buta l'ìstess temp për giré dantorn a sò ass e dantorn a la Tèra.
A l'ha nen d'atmosfera. La surfassa dla Lun-a a l'é bin grotolùa përchè a l'é tempestà 'd cratéj.
J'esplorassion
La facia stërmà ëd la Lun-a a l'é stàita osservà dël 1959 da Luna 3. Dël 1970 la surfassa a l'é stàita esplorà dal robò Lunokhod 1, aterà ai 17 ëd novèmber ant ël Mar dle Pieuve. Ai 15 ëd gené 1973 l'astromòbil Lunokhod 2 a l'é aterà ant ël Mar dla Serenità.
Lun-a 'nt ël parlé sientìfich
Ant l'astronomìa la paròla lun-a a l'é dovrà për ciamé ij satélit naturaj d'ën pianeta. Sti satélit a son dit lun-e dël pianeta, con ël sust ch'a son come la Lun-a për ël pianeta Tèra.
Lun-a 'nt ël parlé popolar
An piemontèis, na lun-a (o na lunà) a l'é ël temp ch'a-i buta la Lun-a a fé sò cicl ch'a l'é 'd 29 di e mes. Sto perìod-sì ant l'astronomìa a l'é dit mèis sinòdich.