Relassion

Stamp:Prinsipi Dàit n'ansem E e n'antregh positiv m, na relassion m-aria con univers E a l'é 'n qualsëssìa sot-ansem $R\subseteq E^m$. Si la m-upla $(a_1,\dots ,a_m)\in E^m$ a aparten a R, as dis ch'a sodisfa la relassion; dësnò ch'a la sodisfa pa. L'antregh m a l'é ciamà l'arità dla relassion. Cand che m=2, la relassion as dis binaria.

Si R a l'é na relassion su E e $E^{\prime }\subseteq E$, as dis che $R\cap E{\text{'}}^m$ a l'e la restrission d' R a E'.

Isomorfism

Dàite dle relassion m-arie R e R' con univers rispetiv E e E' , n'isomorfism antra R e R' a l'é na bijession $s:E\to E^{\prime }$ tal che për qualsëssìa $(a_1,\dots ,a_m)\in E^m$,

$(a_1,\dots ,a_m)\in R\iff (s(a_1),\dots ,s(a_m))\in R^{\prime }$.

S'a esist n'isomorfism antra R e R' , antlora le relassion R e R' as diso isomorfe.
L'anvers ëd n'isomorfism a l'é n'isomorfism e la composission ëd doi isomorfism a l'é n'isomorfism.

Isomorfism local

N' isomorfism local antra R e R' a l'é n'isomorfism antra na restrission d'R a 'n sot-ansem finì ëd sò univers e na restrission d' R' a 'n sot-ansem finì ëd sò univers. $\mathrm{\varnothing }$ a l'é sempe n'isomorfism local antra doe relassion m-arie R e R'. Dle vire a l'é l'ùnich, për esempi si R a l'é na relassion binaria arflessiva e R' na relassion binaria anti-arflessiva. Stamp:Fin